Toby

幼苗 (573分)

讚好 收藏 分享
3-6歲 | 1 / 4533 | 2016-08-09 12:43

老公女兒 [ 已解答 ]

丈夫有個七歲嘅女平時同公公婆婆工人姐姐住,媽媽同男朋友住但係就同小朋友講自己住劏房。
星期六日老公個女會嚟我哋屋企,由於我哋有自己家庭都係呢年幾嘅事,所以女兒都係呢年幾先開始過嚟我哋屋企過夜~我本身係全職媽媽,有時要返工,仲要照顧自己一歲嘅BB都感到吃力,周末仲要幫佢照顧埋女兒,安排親子活動同幫忙管教,而家已經覺得好筋疲力盡,因為老公個女被長輩同工人姐姐照顧慣,但係屋企又冇乜點管教佢,冇禮貌、唔遵守規矩、偏食、經常用喊去得到佢自己想要嘅嘢⋯⋯但老公雖然有時都會管教佢,但大部份時間都採取隻眼開隻眼閉嘅方式,老公就話唔想令個囡唔鍾意佢,因為長輩們同女兒媽媽都經常喺女兒背後講老公嘅不是⋯老公都知道管教女兒係佢嘅責任,但佢話佢自己就有呢個難處。
請問專家我呢個角色應該點做?其實我已經唔想再管佢個女,就好似剛剛嘅周末,女兒不停用手機睇劇集,我一歲嘅BB又跟住睇,我就同BB講唔好再睇手機,如是者已經講咗三次~之後老公再叫佢收埋手機,講完收埋1分鐘左右又再攞出嚟⋯又係重複咗三次都係繼續睇電話⋯跟住又喊,我真係唔想屋企繼續係咁嘅狀況,因為小朋友嘅事同老公經常有紛爭,而且一開始認識老公直到結婚,每個周末都係同佢女兒相處幾個鐘,我哋婚前亦都討論過佢女兒嘅問題,我亦表明清楚就算結婚後,我亦只可以接受女兒間中嚟過夜一兩晚,佢亦尊重我嘅想法~不過而家周末因為婆婆屋企嘅工人姐姐冇辦法照顧小朋友,所以要我哋去照顧⋯我哋亦都冇多餘錢請多個工人,我亦明白老公都好想同個囡多啲時間相處,但係我真係好辛苦,就算我教一歲嘅BB,佢都好快學習到,但係老公七歲嘅女,好似每次嚟到我哋屋企都係第一次嚟一樣,例如每朝早都要叫佢叫我哋早晨、叫佢食嘢要喺餐枱食、自己嘅嘢要執拾好,等等⋯我哋都明白可能佢要適應幾個居住環境會比較難適應,但係都已經一年多,我好怕以後落去都係咁,專家會有咩意見?多謝!

慈慧幼苗教育心理學家團隊

種子 (471分)

2016-08-09 17:42

從家長的分享中,我們體會到妳在照顧家庭和工作時面對不少的壓力,維持了一年多的時間,相信也曾與家中各成員討論如何更好地照顧自己家庭和7歲女兒。文中提及以下幾方面的問題,家長希望得到解決方案。誠然,家庭困難並非三言兩語就能說得清,也沒有即時迎刃而解、一蹴即成的方案,需要一步步來處理。

家長可先想一想,面對種種的難處,以下哪一樣妳認為是最影響著你? 哪一樣妳認為最有機會帶來改變?
1) 7歲女兒日常起居照顧的責任(包括:親生媽媽和爸爸的責任、工人姐姐無法照顧、周六日在自己家中過夜安排)
2) 管教7歲女兒的方法(不容許玩手機、執拾自理、禮貌培育)
3) 全職媽媽的生活壓力(忙碌工作、照顧1歲大嬰兒、與丈夫相處)


我們關心妳的身心情緒健康,希望能幫助妳分析和找尋可改變現況的機會。


匿名

請先登入

發表意見

匿名發表