匿名

幼苗 (851分)

讚好 收藏 分享
2-3歲 | 2 / 1541 | 2019-03-14 14:05

好奇心 / 蠢豬豬 - > 咩黍吖? [ 已解答 ]

好奇心 / 蠢豬豬 - > 咩黍丫?
囝囝現在23個月,成日問「咩黍吖?」

情境1
囝囝指住大樹,講咩黍丫?
媽:大樹
囝囝:大樹
隔左5秒
囝囝又指住大樹,講咩黍丫?
媽:好高的大樹
囝囝:大樹
隔左5秒
囝囝又指住大樹,講咩黍丫?
爸爸溫柔講:不准再講咩黍丫,你知道是大樹,所以你要講大樹。爸爸之前已經教左你,你也知道。

囝囝好似沒有什麼反感,但也沒有表示認同爸爸。
(佢的確在1個月前,已識答:大樹。爸爸不明白點解佢現在又要,仲要問3次咁多)

情境2:
囝囝拿住一條毛巾,講咩黍丫?
媽:毛巾
囝囝:毛巾
隔左3秒
囝囝又拿住毛巾領,講咩黍丫?
媽:毛巾的領
囝囝:毛巾的領

情境3
媽媽同囝囝一齊看繪本。
囝囝指住書中的車,講咩黍丫?
媽:車車
囝囝:車車
隔左3秒
囝囝又指住書中的車,講咩黍丫?
媽咪估佢想問車頭燈
媽:車頭燈
囝囝:車頭燈
隔左3秒
囝囝又指住書中的車,講咩黍丫?
媽咪估佢想問車頭燈
媽:車門
囝囝:車門
(其實媽咪都不知佢係咪想問這些??!)

情境4
囝囝食一個面包中,講咩黍丫?
媽:面包
囝囝:面包
隔左3秒
囝囝又指住面包,講咩黍丫?
媽咪估佢想問包皮(因不同顏色)
媽:面包皮
囝囝:面包皮
隔左3秒
囝囝又指住面包,講咩黍丫?
媽咪都估不到佢想問咩!
媽:軟淋淋的面包
囝囝:包包.

媽咪覺得寶寶學一樣東西,只是講10次或20次先識。
就好似大人學一個新生字,都要學幾次先懂。

媽咪的答法是否有錯?應該同一樣東西講10次?
還是估下寶寶想問的東西??

爸爸就覺得寶寶是蠢豬豬及沒心記 ,不想他多問,認為他沒用心記。想強迫他記住。

究竟,那個方法才對?

FYIP
媽咪也想過,因為父母在教寶寶的過程時。
成日都會問寶寶,"這係咩黍吖?"
寶寶就會答。
難度寶寶想獨立,學大人,定他真的想學知識??

admin

2019-03-19 10:38

首先,很欣賞家長對親子溝通情景的細緻描述,可見家長平日很細心留意孩子的提問及自己的回應,同時亦有反思自己是否處理不當。

家長表示孩子經常重複發問,究竟他是未能掌握詞彙,抑或是模仿成人發問?其實小朋友主要是透過模仿去學習溝通技巧或語言,家長可想一想,平日是否常常以「發問」來和他展開話題,如問他「呢個咩嚟?」。如果是,孩子的確有可能會學習以「發問」來和你打開話題。其實除了發問以外,我們可多向孩子描述身邊發生的事,如「呢度有車,架車好快喎!」等,讓孩子接觸及掌握更多不同溝通的功能。

另外,在孩子向你發問的時候,家長除了回答他的問題外,還可以進一步表達一些相關的概念,例如在回答他「麵包」之後,可以介紹「媽咪鍾意食麵包,麵包好好味!」之類,擴展孩子對這個詞語意思的掌握。亦可以引導他留意不同麵包的形狀、形態等等,從多方面建立孩子的語義系統。

而家長亦有提及曾經向他解釋「已經發問、知道便不需要再問了」,但這樣似乎未能讓孩子明白。建議家長可先嘗試轉移小朋友的注意力到其他方面,當他的語言能力提升之後,相信重複發問的情況便會減少。

以上資料由慈慧幼苗言語治療師提供。

匿名

幼苗 (851分)

2019-03-25 13:46

THANKS!


匿名

請先登入

發表意見

匿名發表